太子手記：股神學生面前扮飲醉

「股神」巴菲特一向好玩得，太子記得佢曾經扮鬼扮馬，戴假髮兼着埋戲服娛人娛己，最近佢仲扮醉酒佬，兼「吹喇叭」。

南京大學搞咗個「巴菲特財富之旅——海外遊學團」嘅活動，一大班內地學生去到美國見股神巴菲特，不單止有機會與股神同枱共進午餐，更有機會把手放在股神嘅錢包上合照，沾一沾股神嘅「財氣」。股神對中國學生也似乎特別熱情，席上擺出不同嘅「甫士」，讓眾人盡情合照一番。

同南大生又食又玩

終於股神舉杯祝福之際，有南大學生拿出一支中國白酒，打算要送給巴菲特；不喝白酒嘅巴菲特立即作狀「吹喇叭」，放低酒樽後又立即扮「醉」。見到已過八十歲嘅股神咁精靈，搞到啲學生們話，成餐只記得笑同合照，反而唔記得自己食咗啲咩。

平時食完餐晏，而有「都唔知食咗乜」嘅感覺，你肯定會「鬧爆」間餐廳，但出席今次午餐嘅同學們，反而話與巴菲特共進午餐嘅意義，就是「與巴菲特進餐」，而不是桌上放着甚麼食物。巴菲特果然係魅力非凡！