崔碧珈受訪時暢談拍攝電影《辣警霸王花》的難忘經歷。
身材驕人的崔碧珈（Anita）接受《ontv東網電視》訪問時，大爆拍攝電影《辣警霸王花》的難忘事。Anita日前與鄭欣宜到柴灣拍攝電影《辣警霸王花》性感海報，身穿Deep V裙的Anita持槍晒G Cup「西瓜胸」，輕鬆「秒殺」同場一眾女星！她在片中以「胸」器誘惑對手，更壓到對方「冇氣抖」：「我會挨埋去同佢調情。（尷尬？）唔會，接劇本時已經覺得好玩！」畏高的Anita自爆與欣宜「爆喊」游繩的經歷：「我哋驚到手腳震晒！導演（錢國偉）大聲叫我跳唔到就咪跳，於是我就諗佢係咪叫我唔使拍？我即刻一路喊一路行落去！」欣宜亦嚇到講定「遺言」：「我驚到喊，又狂嗌：『我仲未生仔，唔想死住呀！』（克服咗畏高症？）應該有用，我生日仲拍咗跳急流！（有咩安全措施？）得一條繩！」
鄭欣宜
崔碧珈表示與欣宜拍游繩戲時，驚到手腳騰騰震！
