東網電視
更多新聞短片早前在無綫劇集《師奶MADAM》有突出表現的李綺雯，於舞台劇《嬉春酒店》中飾演樂天派角色，令她大呼過癮，不過她的朋友竟說她「扮神經質角色最好」！
古靈精怪的妹即場擺出各種甫士，果然童心未泯！
對事業懷着一腔熱誠的妹，閒時便會做資料搜集裝備自己。
李綺雯（妹）在舞台劇《嬉春酒店》中，與江美儀、伍詠薇及林嘉華等一眾好戲之人大鬥演技，劇中她飾演艾威的女兒，性格樂觀爽朗，不過原來有不少朋友竟然比較欣賞她扮演神經質角色！
望駕馭不同角色
妹說：「無論係《師奶MADAM》神經質角色，之前嘅《仁心解碼》做殺人狂，抑或《Only you只有你》，我都做有精神問題嘅角色，朋友話我做呢類角色都幾好。」即使演「奇怪」角色，她依然樂在其中：「我就覺得即使每次做同類型角色都可以有唔同嘅演繹方式，當然我希望可以演唔同類型嘅角色，可以有新挑戰。」
「得三次請假旅行」
原來妹除了演藝事業之外，亦要打理生意，她形容自己是典型「工作狂」：「我真係幾鍾意做嘢，入行咁多年都只係得三次請假去旅行，基本上冇乜工作以外消遣，最多都係睇吓戲，對於呢一行，其實睇戲都係當進修。」妹的生活雖然聽起來有點乏味，但她直言對事業的熱情是從一而終：「一入行報天氣，到後來做主持，得閒時我會做資料搜集裝備自己，因為我經常覺得如果對工作係冇團火，不如咪做，無謂嘥時間。」
專案組
