陳靜師妹郭穎兒（Celia K.）自言是貼心女友，愛為男友炮製驚喜，曾在情人節送上親手整的朱古力。現時單身的Celia大爆身邊不乏「好朋友」，更不排除趁白色情人節送蛋糕表心意！

Celia K.一雙長腿非常吸睛，難怪身邊咁多「狂蜂浪蝶」啦！

明天是白色情人節，Celia準備了Cupcake送給心儀對象。

Celia個性熱情又浪漫，會在情人節花盡心思冧另一半。

單身近一年的Celia K.不愁寂寞，並大爆現時身邊有幾個比較要好的男性友人。問到發展的可能性？她表示要深入了解過才知道：「我鍾意嘅男仔係真誠、孝順、專一同善良，呢啲特質要了解過先知。」

尋寶方式送朱古力

Celia特意趁明天3月14日的白色情人節，整了四個可愛的Cupcake，她甜笑表示要送給那個「他」：「不嬲都有整蛋糕送畀人，呢次整嘅蛋糕就要睇白色情人節當日有邊個約我，我就會用呢啲蛋糕回饋佢。」

由於白色情人節是男士回禮的日子，Celia亦分享了過往特別又難忘的情人節經歷：「嗰年個男仔整咗隻光碟畀我，入面圖文並茂咁播出我哋生活嘅點滴，就連第一次滑雪嘅短片都有，真係好Sweet！」

Celia是典型人馬座，坦言個性熱情又浪漫，因此會在情人節花盡心思冧另一半：「試過整酒心朱古力畀當時嘅男友，嗰年我哋留喺屋企一齊過，我就收埋咗份禮物，然後用尋寶遊戲嘅形式要男友搵份禮物。」