吳國敬表示當年寫《越吻越傷心》，因李蕙敏和梅艷芳公司不採用，令蘇永康執三攤才唱紅此曲。
下月開個唱的吳國敬日前接受《東網》《娛樂onShow》訪問時透露，獲巨星級嘉賓陳慧琳及黎瑞恩等撐場，連BIG FOUR亦答應現身以粉碎不和傳聞！阿敬感恩之餘，並驚爆蘇永康金曲《越吻越傷心》當年是「執三攤」！
蘇永康
吳國敬接受主持陳振安訪問時，粉碎與BIG FOUR的不和傳聞，更自爆下月紅館騷邀得陳慧琳和黎瑞恩等做嘉賓。
陳振安、 吳國敬
吳國敬日前在《東網》節目《娛樂onShow》，接受主持陳振安訪問時剖析與BIG FOUR的不和傳聞：「係當年有雜誌訪問我，就話諗啲嘢講。其實冇呢啲嘢嘅，BIG FOUR組成嘅時候，我係製作人嚟嘅！」粉碎不和後，他即大爆蘇永康當年唱紅的《越吻越傷心》其實是「執三攤」：「首歌我本來畀咗李蕙敏同梅艷芳嘅公司，但係冇反應。」於是阿敬在圈中好友聚會中播放此曲：「全場鴉雀無聲，係得阿康出聲，就係咁啃咗隻全球華人金曲出嚟啦！」
感激雷頌德仗義幫忙
下月再踏紅館的阿敬邀得BIG FOUR、陳慧琳、黎瑞恩、蘇永康及雷頌德等做嘉賓，他感激好友支持：「蘇永康本來要去杜拜旅行嘅，另外張衞健，我一話要開呢個騷，佢即刻話：『我幫你度嘢啦！你講嘢都唔掂啦！』」
花名「和音敬」的阿敬又細數識於微時的雷頌德曾仗義幫忙，更大爆說服黎瑞恩現身撐場的經過。想知道更多訪問內容，就要密切留意《娛樂onShow》！
專案組
