東網電視
更多新聞短片薛凱琪（Fiona）和鄧麗欣（Stephy）日前率領太陽娛樂文化一眾師弟妹拍攝羊年賀年相，Fiona更即場借桃花催運！
Fiona即場攞住道具桃花，睇嚟佢真係好想有多啲桃花運喎！
Stephy賣口乖大讚男友媽咪包嘅水餃最好食，果然識Do！
薛凱琪、鄧麗欣、崔碧珈及小肥等拍攝羊年賀年相。感情空白的Fiona笑言要借桃花催旺：「做呢行要有桃花運，因為代表有觀眾緣，不過愛情係求真姻緣，所以唔使多，一個就夠。」她又坦言追求者少，只怪工作太忙難識新朋友，但最慘是從朋友開始，至少做三、四年朋友，她才會接受對方做男朋友。
讚緋聞男友條件好
問到幾個緋聞「男友」是否合資格，Fiona笑說：「不嬲傳嗰幾個都係好好條件嘅男仔。（仲未可以拍拖？）我唔會喺訪問入面講邊個有可能或冇可能，咁好唔尊重人。」提到新年習俗，她指家中沒有新年氣氛，幾年來父母連利是都不給她，只說句「新年快樂」：「我有問阿媽畀利是我，但佢話我嘅即係佢嘅，佢嘅又係佢嘅！」
鄧麗欣怕被催婚
至於早已被方力申「私有化」的Stephy透露，今個農曆年會與小方各自返家鄉過年，問到是否怕被催婚，她笑說：「真係會o架！所以今年要避一避，其實每年都會被親戚追問，但小方最叻係扯開話題。」由於小方是北方人，Stephy大讚方媽媽親手包的水餃最好食：「我有跟佢媽咪學，最難係搓餃皮，我包親都穿窿。（識包水餃先可以入門？）我諗係其中一樣要識嘅嘢。」
音樂組
