東網電視
更多新聞短片古天樂與佘詩曼早前為宣傳《衝上雲霄》電影版而四出奔走，幸而票房成績十分理想，二人終可放心休息！家庭觀念比較傳統的古仔表示，入行以來唯一爭取的假期，便是農曆新年放假數天陪伴家人。談到過年習俗，他說：「年卅晚吉時要起身幫手拜神，揀啱係凌晨5點都幾辛苦！年初一我會向父母跪地斟茶拜年。（今年幾套賀歲片喺手，派利是改派戲票？）你就想喇！」又指至今仍會隨家人到親戚家拜年：「啲親戚見慣不怪啦！只係每年總有啲親戚嘅小朋友覺得大得好快，我認唔出佢哋囉！」
古仔和阿佘的電影有好成績，睇嚟今年可以過肥年喇！
而阿佘表示母親早年移居夏威夷生活，故思想比較西化，家中亦沒有甚麼賀年習俗可言：「佢以前喺夏威夷住，過年我哋喺沙灘曬太陽囉！」古仔聞言即問：「咁佢過年咪要着比堅尼囉？」阿佘即笑答：「佢依家返咗嚟香港住，所以改着旗袍！」
