密密吸金的翠如（左）與高Ling仍負擔不起貴價樓，只能望門輕嘆！
無綫藝人黃翠如與高海寧（高Ling）去年名利雙收，分別勇奪台慶頒獎禮及馬來西亞電視頒獎禮的「女飛躍」獎，問到羊年願望是否港人夢想的買「磚頭」？二人卻因樓價過高而放棄於羊年置業，翠如說：「之前開工好辛苦，都想喺將軍澳買樓方便返工，但依家啲樓實在太貴買唔起，所以羊年都唔會買，今年有時間希望去旅行潛水，想學潛水睇吓海底世界！」
至於常將置業掛在口邊的高Ling則說：「唔心急，因為根本買唔起，每次以為儲夠首期，樓價又升咗，羊年寧願同屋企人去多啲旅行，最想帶婆婆去旅行等佢享受吓。」
