東網電視
更多新聞短片視后米雪的姨甥女徐頴堃（Erica）正式從加拿大回流香港，為有線飲食節目擔任主持的她，對美食愈來愈有研究，不但獲米雪大讚識食，就連母親雪梨亦對其廚藝直豎拇指，Erica的目標是成為新一代飲食界才女！
自從主持飲食節目後，Erica決心要做新一代食評家。
阿Yo（左）與Erica拍硬檔一齊捐窿捐罅搵食，我唔客氣啦！
徐少強和雪梨的兒子徐偉棟近年強攻影壇，曾贏得溫哥華華裔小姐冠軍的女兒徐頴堃亦回流發展，近月她為有線飲食節目《為食情報局》擔任主持，經常捐窿捐罅搵食的Erica，日前與另一主持阿Yo（區淑妍）到冰室大歎地道美食。
擔任主持一段時間的Erica歎盡不同國家佳餚，她希望朝着新一代食評家這個目標進發：「呢幾月不停去餐廳採訪，訪問過大廚同食客，自己都有個Blog講生活講飲食，以前對食嘢冇太多要求，但依家咩菜式都想試，想了解佢嘅整法、來源，希望有機會成為年輕食家！」
愛心湯贈媽咪
對美食興趣大增的Erica廚藝進步不少，就連姨媽米雪亦盛讚她識食，Erica說：「節日嘅時候會下廚宴請親戚朋友，親戚都讚幾好食！之前媽咪演舞台劇，我有煲湯探佢班，係第一次煮嘢畀佢食，令佢好感動！另外，有次姨媽煮咗條魚，我發現比平時腥咗，原來係冇落陳皮，姨媽讚我飲食知識叻咗。」
被廣東話考起
不過，在外國長大的Erica表示做飲食主持並不容易，尤其是要克服講流利廣東話的障礙：「我聽到中文個腦要轉番英文先，所以反應慢咗，而且唔識啲俚語，呢幾個月都有下苦功，每日不停讀報紙讀出聲，依家未算係口齒俐伶，但開始熟咗方法同用字，希望之後都繼續進步！」
立影
