林峯昨日宣傳主演的劇集，對於該劇將於台灣、星馬、北美等十多個海外地方播放感到興奮，但只收一份片酬，認真抵用！他又預告情人節將在美國度過，並諗計為女友吳千語送驚喜！

林峯情人節會在美國度過，並已計劃為女友送上驚喜。

劉永對於娘家亞視的前景感到憂心。

林峯想與劉家豪（右）及梅小青再度合作，可惜時間上難配合。

林峯昨日率領內地演員沈泰、李欣聰及劉永等出席nowTV原創劇《衛子夫》廣東話版的宣傳活動，期間宣布該劇除了會於中央教育台播放，更會衝出內地，在台灣、馬來西亞、新加坡及北美等十多個海外地方播放。

劉永擔心亞視前景

雖然該劇將在多個海外地區播放，但阿峯未有因而增加收入，他說：「應該簽約時簽埋啦！不過都開心，海外觀眾都睇到，聽講有啲人上歷史堂都用套劇做教材添！（會唔會同總製片人劉家豪、梅小青再合作？）佢哋有搵我，但時間配合唔到，因為3月我要去橫店拍古裝，到時有打戲，都開始要操。（擔心舊患復發？）好小事，Keep住做運動就冇問題。」此外，阿峯透露情人節將在美國錄音度過，未知與女友吳千語如何慶祝，但已諗計為對方送驚喜。

同場的劉永對於娘家亞視前景問題亦很憂心，他說：「遣散晒啲人，我啲舊同事應該走晒，剩番肥仔劉錫賢，冇計，佢肥走唔到，係忠臣，我哋都有成日見，不過亞視應該冇問題，會有人買嘅！」