陳嘉佳（小寶）坦言一直靠好運、機遇和傻勁才有今天，最想感謝「伯樂」王祖藍：「我成日都講如果佢第日有咩事，要搵人幫佢擋刀，第一刀我一定幫佢擋！」入行前，小寶仍是警察道具公司的文員：「當時喺嗰度做，好多導演出入，有次有位副導覺得我幾啱佢套戲嘅角色，做一個好開心嘅肥妹，套戲就係同祖藍拍嘅《矮仔多情》，跟住祖藍幾年都冇搵過我，直到佢哋福祿壽去紅館開騷，佢醒起我，叫我同佢跳隻舞，之後佢好直接問我有冇興趣拍劇，咁就入咗行！」她亦笑言正等待愛情來臨：「愛情嚟嘅時候我唔會拒絕，睇吓幾時有人敲我呢道門啦！」　

小寶由文員到入行做明星，最感激的是「伯樂」祖藍。