烈女黃宇希無懼愛情的挫折，更感謝過往傷害過她的壞男人，化傷感為力量，堅持做好音樂，做個唱得又跳得的實力派，實行把自己打造為「港版Beyonce」！

Shimica在雨中跳足幾小時，認真唔錫身！

初試編舞的Shimica十分認真，每拍完一個Shot都要查看一下。

Beyonce

新進歌手黃宇希（Shimica）自去年為電影唱主題曲後，便被譽為近年樂壇不可多得的好聲音，原來她入行前已經不斷寫歌，儲落大把「貨仔」，今次特別為新歌《狠心的交叉》拍攝MV，初嘗親自編排舞蹈的滋味！拍攝當日，Shimica更帶病冒雨上陣，非常專業地完成整個拍攝過程！

冒雨跳足幾個鐘

對工作非常認真的Shimica，為了拍攝需要一Take過的街景及跳舞場面，來來回回跳了幾小時，每拍完一次，她都會非常緊張地看Playback。問到下雨可會影響拍攝，她笑說：「其實好想落雨配合番個主題，好鍾意拍出嚟好自然嘅感覺，因為想拍到人哋唔覺得喺香港拍！」

談到首次親自編舞，Shimica坦言有點難度，還選擇了輕快的R&B風格：「其實我一路都有跳舞，不過之前都冇機會畀大家睇，今次所有嘢都係新嘗試，以前都係唱比較勵志嘅歌，仲第一次唱情歌！」又透露有落手落腳參與製作。

愛情事業二選一

Shimica更自爆今次的新歌是用了她的故事做主題，新歌講述女主角被男主角熱烈地追求，但當她接受對方時，竟發現對方是個壞男人！Shimica肉緊地說：「自己一向都覺得個個男仔都係衰格，原來咁諗係冇錯！對個男仔嘅戒心放低之後，就發現對方呃自己，仲要係同自己個Friend一齊！」她坦言這是其親身經歷，但感謝過往失敗的感情，因為作為歌手必須經歷過才可以寫出真實的感覺：「可能有事業就冇愛情，如果有愛情都唔會有好結果，令自己經歷咗好多嘢，寫到好多首歌畀大家，有情緒先可以做一個好歌手！」