歌手張子丰（Fred）早前推出新碟《1880》，為紀念第一隻碟的誕生，他除了在封面上花心思，更特別為歌迷度身訂造歌單：「由第一首歌《上車》嘅熱血，到最後一首《最後宣言》嘅學會放手，係成個人生嘅流程，《1880》係想講人生有好多事，有時係需要放手。」

張子丰一張碟講人生，唔知聽完會有咩領悟呢？

至於《線上情歌》的作詞及編曲均為Fred的哥哥張人丰，Fred笑言新歌是哥哥寫給他和何雁詩（Stephanie）的禮物：「呢首歌喺Stephanie隻碟都出現過，主題係講網戀，同依家個社會好啱，個效果又好好，所以就一雞兩味，大家隻碟都出現。」