諸葛梓岐陳法拉突然變Friend

    • 諸葛梓岐（Marie）昨日以一身Cosplay獵人打扮出席於海港城舉行的《PSP芒亨獵人祭》活動，同場有「翻版陳法拉」李思汝（Afa），Marie讚Afa靚女之餘，亦認同她的確有點似法拉。

    Marie和法拉最近再傳爭寵，有指法拉因不肯生BB令「奶奶」不滿而被打入冷宮，相反將入門的Marie相當得寵，她說：「我冇聽過，冇呢樣嘢！冇爭寵，大家相處得好開心，有時會一齊食飯。（話佢食飯成日甩底？）佢工作好忙，我都明白，好支持佢。（你哋Friend咗？）我哋不嬲都冇嘢！（未來奶奶係咪兩個都咁錫？）係，對我哋一樣咁好。」問到家庭與事業哪樣較重要？她說：「我好珍惜每個工作機會，有嘢就做嘢，生BB就順其自然，我諗過多三、四年先，結咗婚後家庭會放第一位。（未來奶奶要你生BB？）冇，佢冇講過呢啲，冇畀壓力我。」

    化身女獵人的Marie認同Afa的確有點似法拉。

    Afa出席活動，獲諸葛梓岐讚靚女。