吳若希樂做未婚狗媽媽
不少藝人愛養寵物，分分鐘緊張愛寵多過自己。新進歌手吳若希（Jinny）笑言是愛犬的媽媽：「Honey好嗲我，晚晚要我呵完先瞓得着o架！」她透露與愛犬相處年半，當初相遇純屬巧合：「當日同朋友去大帽山行山，發現Honey畀人遺棄咗喺個盒度，一見到佢覺得好有緣，所以帶佢返屋企。」小狗原來一樣會心情差，Jinny指Honey會因掛住她而發脾氣：「有時夜咗返屋企，佢會發脾氣狂咬紙巾！」她又記得Honey第一次生病，嚇得她驚惶失惜：「有晚發現Honey係咁嘔，即刻帶佢去醫院，做檢查時驚到係咁喊，好彩最後冇事。」
仔女百厭，有時難免激嬲媽咪，拍攝當日Honey忙於跟其他狗仔玩，叫極不肯停，令Jinny嬲爆說：「唔要你喇！」Honey見媽咪嬲即走到她腳前扮可憐，還深情抬頭望實主人，場面爆笑。
Jinny把愛犬Honey當正是女兒呵護。
雖然Honey有時不太聽話，但懂得氹番Jinny。