林峯受「霜」害急速成長

舊愛潘霜霜日前突然來港，林峯昨晨則如常出現電視城化妝，準備到南生圍拍《回到三國》外景，還「自動波」接受記者訪問，直言未有因潘霜霜的新聞而影響：「想集中精神工作。（佢話之前根本冇分手？）唔回應喇！（你喺西環買樓避佢？）點會呀？好多嘢我都係喺人哋口中知咋，有時啲報道睇完，都要自己分析吓。（佢話你爸爸同樂易玲棒打鴛鴦？）我最怕就係令身邊嘅人擔心。」林峯承認事件令他成長不少，但又指每年於工作及人生方面，都會有不同體會，同時又於網誌留言，自言不會隨便向女士送戒指作出承諾。而拍外景期間，有工作人員被遙控模型飛機撞傷，報警求助。

另一邊廂，樂易玲昨日接受查小欣電台節目訪問，談到林峯的「錯愛」時，她說：「知佢恨拍拖，佢好雀躍咁介紹女方畀我識，當時我有心理準備，知道係唔適合嘅時間，亦覺會出事。（諗住點拆彈？）佢（指潘霜霜）有打算同鋪路。（教訓林峯？）唔可以喺傷口上灑鹽。」至於陳鍵鋒指無綫為數十元薪酬與他拗數，樂易玲說：「咩呀？係幾十個巴仙喎！佢記錯咗？」她又自爆日前與馬德鐘打邊爐，有信心對方會續約留低。另外，對於陳豪開咖啡店而辭演新劇，她則理解這是對方多年來的心願。