辦公室開波
小弟一向喜歡撰寫情色故事，當中以辦公室交歡嘅題材為多，一來小弟對辦公室女上司有所偏愛，二來大家即使唔係白領階級，睇電影或電視劇都成日以辦公室為題材，因此大家都睇得有投入感。然而，好多朋友觀看過小弟嘅拙作之後都會問：「有冇可能成日喺辦公室搞嘢呀？」呢層我都唔知點答，不過睇完最近一個新西蘭知名雜誌嘅問卷調查結果之後，我就有一個肯定嘅答案喇！
問卷調查訪問咗1,000名當地成年男女，問題範圍主要係性喜好，當中除咗發現有19%嘅受訪男士喜歡嫖妓，以及26%男士習慣一個星期內多次欣賞四仔之外，竟然發現有25%嘅受訪男女，曾經試過於辦公室同異性交歡。呢個結果除咗證明外國人行為開放之外，仲顯示佢哋好識得「寓工作於娛樂」，真係恨死隔籬呀！就係咁，我成日幻想辦公室有間獨立房作為交歡特區租予下屬，一來可以增加公司收入，二來又可以增加員工嘅歸屬感，不失為一個雙贏政策呀！