政情：紅酒梅鹿輒改名有段古
要認識紅酒白酒嘅故事，最好搵王朝酒業主席白智生，皆因佢好識講古仔。
佢哋有隻梅鹿輒系列紅標同金標紅酒，以及半乾白葡萄酒，白總話佢哋隻梅鹿輒即係英文嘅Merlot，呢種係眾多紅酒中嘅一種，果味比較濃，呢隻酒嘅中文譯名叫梅鹿，但佢一聽就覺得唔係好妥，普通話發音好似「沒路」咁，後尾佢哋改咗「梅洛」，點知仲衰，因為譯音好以「沒着落」，於是佢諗諗吓，「梅鹿有輒」較為吉利，寓意凡事都「有輒」即能成事，咁一於就叫做梅鹿輒啦，雖然佢係呢個名嘅創始人，但有關當局冇畀佢註冊，於是內地好多人都用咗佢梅鹿輒呢個名作為Merlot嘅中文譯名，而唔再用以往嘅梅鹿，佢想追討都無門。