政情：滙豐麥倩華升職闖中東

滙豐又有人事變動，今次就輪到滙豐香港區個人理財業務主管麥倩華（Francesca McDonagh）升職，我哋仲八到佢會調去中東，做中東區零售銀行及財富管理總監，聽聞佢一個月內就會趕赴中東述職。

滙控早前話要重組個人銀行業務，今次嘅調動，會唔會係配合呢個策略呢？Fracncesca會升埋做環球零售銀行及財富管理執行委員會成員，直接向滙豐中東及北非副主席及行政總裁Simon Cooper，同埋滙控環球零售銀行及財富管理業務行政總裁郭兆聰（Paul Thurston）匯報。

其實Francesca之前喺好多唔同國家做嘢，而最難忘係喺埃及工作時，每星期會抽兩天早上六時起床，然後騎馬喺沙漠中馳騁，到金字塔睇日出，作為開工前嘅熱身活動。熱愛騎馬嘅麥倩華，嚟到香港後難以一展所長，惟有喺周末時帶兩隻金毛尋回犬到山頂散步。