「餅碎」區文詩（Angela）最喜歡嘗試新玩意，近年香港流行室內「跳彈床」的新興運動，除了基本的上下彈跳及翻觔斗動作外，更可與平地運動Crossover，令貪玩的Angela都變身「超級籃神」米高佐敦飛身入樽！
Angela以大字形「飛」上半空伸展四肢，活力十足！
Angela喺彈床上做Sit-up加埋轉球，真係少啲腰力都唔掂！
Angela化身米高佐敦飛身入籃，上演一幕「女兒當入樽」！
初學者Angela先以最簡單的抱膝跳開始。
開始運動前，教練協助Angela拉筋。
Angela跟隨教練學原地極速急步跑，有姿勢有實際！
經常滑水的Angela首次嘗試喺彈床上玩Snowboard。
向來怕悶的Angela連做運動也瓣數多多，瑜伽、打拳、踩單車、打波樣樣都有，夏天玩滑水更是指定動作，現在還愛上跳彈床，Angela說：「初頭以為好簡單，點玩點跳都得，其實唔係。」她透露會將平日的健身運動搬到彈床上做，開始首15分鐘，教練要她在彈床上拉筋熱身，中段則會舉啞鈴、原地急跑和Sit-up鍛煉體能，最後15分鐘則要做一些紓緩肌肉的拉筋動作。
心跳急升助消脂
Angela表示這一系列動作有助將心跳率推到最高，從而燃燒最多脂肪：「我通常做到一半就覺得吃力，但當成班人一齊做就唔敢放棄，另一個好處係喺硬地做運動，對筋骨、膝頭骹位、腳眼都好傷，但當喺彈床上做就會卸咗唔少力。」
理論不如實踐，Angela即場示範彈床功夫，從最簡單的上下抱膝跳開始，跳足30秒，接着轉為「大字形」伸展四肢，然後再來個跳左又跳右的「7字」跳躍，如果覺得未夠激，再加上原地極速急步跑，連環幾套「空中體操」已令Angela的心跳率急升！跳彈床中心亦設有彈床射籃、彈床式Snowboard等新玩意，若然彈跳功夫已達高水平，更可向牆跑區挑戰，一嘗飛簷走壁反地心吸力的滋味！至於作為初學者的Angela則「籃神」上身，到射籃區學米高佐敦（Michael Jordan）飛身射籃，夠晒有型！
必備專用防跣襪
做運動是為了讓身心健康，對於玩跳彈床的新手，有不少事項需要注意，Angela說：「首先服飾輕便簡單就得，但一定要着跳彈床專用嘅『防跣襪』，第二，事前唔好食得太飽，唔係真係驚你跳到嘔。」她又指出事前必須做足熱身，否則很容易拉傷：「好似頭先教練叫我跳個『一字馬』動作，一唔覺意就會拉到啲筋。」Angela提到曾有朋友玩完跳彈床後頭痛，教練解釋可能係缺水，故建議多喝水補充水分，休息時亦不應立即坐下，避免劇烈心跳突然急速下降，影響健康。最後，Angela溫馨提示各位貪靚的女孩子，做完運動後一定要拉筋，否則隨時變成「甲組腳」！
文：高妹
攝：李柏儒
