新一代女神陳瀅最近與一眾圈中好姊妹連環賀壽，連食十個蛋糕的她表示仍「未夠喉」，希望與男神古天樂及周柏豪拍愛情片！

陳瀅今年生日食足十個蛋糕，難怪新一年希望「食極唔肥」！

一眾好姊妹為陳瀅送上驚喜，又送蛋糕又送公仔。

陳瀅獲另一班好姊妹送Cupcake，人緣好原來是致肥元兇！

陳瀅（Jeannie）前日26歲生日，人緣好的她連日來與大批好友慶祝，三日內狂食十個蛋糕。前晚好友何雁詩、劉佩玥及蔡思貝為她開生日派對，Jeannie抱住雁詩送的超巨型史迪仔公仔時笑容燦爛，而陳嘉寶、賴慰玲及A2A的大Ann、細Ann則於大前晚送驚喜，但多張生日合照都幾乎是全女班！

唔急拍拖

提到最感動的時刻，她說：「其實每份祝福都好感動，好開心班姊妹咁忙都抽時間陪我。（冇男仔乘機獻殷勤？）冇咩特別，我唔心急拍拖，今年生日願望唔包括要拍拖。（咁願望係咩？）首先係食極唔肥，另外事業上舊年進步好大，希望新一年有突破，最想係同古天樂拍愛情片！同埋同周柏豪拍MV！前排出咗寫真散文集反應好好，明年或會再出新書。」

好姊妹「愛的宣言」

另外，一眾好姊妹向Jeannie發放「愛的宣言」，劉佩玥笑說：「上年同今年我生日佢哋都有畀驚喜我，我老婆Jeannie生日我就梗係要錫番佢啦！」賴慰玲則說：「祝佢早日有好歸宿！嗰晚我收工好夜，但點都去搵佢！」

文：影視組