張智霖（Chilam）、佘詩曼、周秀娜與鄭欣宜等昨日到北京出席《重逢．相遇 電影《十月初五的月光》媒體發布會》，老闆蕭定一透露將與內地愛奇藝合作拍片及發行產品。阿佘透露本來不想拍《十》電影版：「擔心冇之前演得咁好，但睇完劇本好感人，加上劇集重播反應好，對電影有信心！」Chilam則笑言周旋於阿佘及陳喬恩之間，爽到不得了：「陳喬恩係好對手，有感染力！」

欣宜以低V上陣，連周秀娜都睇到嘩嘩聲！

欣宜

張智霖於戲中周旋於阿佘（左）及陳喬恩，大叫好爽！

密實上陣的周秀娜相比低V上陣的欣宜輸「凸」，她笑言見到欣宜也「嘩」一聲，但不怕被比下去，又透露最近會京港兩邊走：「依家喺北京搵緊租盤。（喺香港睇豪宅？）香港樓一直有睇，希望下年同媽咪住！（揀山頂區？）山中間，怕出出入入喘氣，夢想係一千呎。（進身富婆有幾億身家？）講細胞咋？太抬舉，我唔係！」而欣宜否認性感搶鏡：「開胸低少少啫！（知周秀娜同場特意性感？）冇諗喎！但畀人眼望望，有少少奇怪。」 攝：黎志輝北京傳真