養貓幻想變戰士 湯洛雯立志做「美少女」
無綫藝員湯洛雯（Roxanne）予人斯文鄰家女孩的感覺，她最喜愛的卡通片亦是少女動漫《美少女戰士》，家中收藏了大批美少女精品，包括貓咪露娜公仔、公仔書及角色Q版首辦模型。她表示兒時的收藏品已遺失，直至近期卡通片20周年推出大量產品，令她重新愛上美少女：「去日本旅行見到隻露娜公仔，一見鍾情，於是開始儲番啲產品，但未儲齊！冥王星、海王星系列仲未有，我唔算好着迷，暫時花咗四至五千蚊，會揀靚嘅、精緻嘅先儲，第時可以Show畀仔女睇，等佢哋知道媽咪鍾意過咩卡通片吖嘛！」
Roxanne用咗四至五千蚊嚟買美少女戰士精品，但依然大呻買唔夠！
Roxanne細細個已經迷上論論盡盡嘅月野兔。
Roxanne對露娜公仔一見鍾情。
Roxanne表示《美少女戰士》陪她度過小學時代，她最愛主角月野兔的論盡可愛性格：「細個想學班主角咁正義，立志做美少女戰士，仲幻想過突然有隻貓出嚟叫我做戰士！套卡通影響埋我養貓，一直好羨慕個主角，到中學終於求到媽咪畀我養！」
