《星和無綫電視大獎2015》今天在新加坡舉行，多位藝人包括鍾嘉欣、楊怡、陳凱琳及岑麗香等昨日出發，據知今年「星和」視帝、視后將由陳展鵬及汪明荃奪得，而蟬聯視帝的展鵬更藉此粉碎早前有傳他沒獎攞、沒劇拍的失實報道，他說：「年年頒獎禮都有信心，新加坡係自己一個好欣賞嘅地方，佢哋都咁欣賞我嘅演技當然開心！」而蕭正楠及黃翠如則憑《師奶MADAM》奪得「我最愛TVB螢幕情侶」，更分別奪得「我最愛TVB電視男、女角色」獎項。翠如昨日生日，雖然男友蕭正楠在澳門拍劇未有一起慶祝，但她覺得獎項就是禮物：「攞到呢個獎就當係畀自己嘅生日禮物，聽日喺新加坡都有幾個鐘頭見到佢。（望唔望多啲工作、廣告一齊拍住上？）我哋未試過一齊拍廣告，都好希望有機會！」而昨日出發的鍾嘉欣坦言獎項不重要，最重要是觀眾喜歡劇集，而她看好汪明荃。至於陳凱琳則坦言有機會行紅地氈，夢想成真。

去年勇奪「星和」視帝的陳展鵬今年蟬聯，可喜可賀！

鍾嘉欣（左）及楊怡準備出發到新加坡，心情興奮。

陳凱琳坦言終於可以一償行紅地氈的心願。

蕭正楠及黃翠如憑《師》劇奪得「我最愛TVB螢幕情侶」。