昔日在《閃電傳真機》做老鼠吱吱吱，朱茵就是最性感的老鼠；拍戲玩制服誘惑，她也是最性感的女童軍，沒辦法，性感DNA太強，連朱茵也不禁盛讚：「我覺得自己有時都幾性感，性感係一種感覺，唔可以刻意營造，但自己覺得性感係冇用，要人哋覺得你性感先算係性感！」
剝光豬等如暴露
遙想當年，朱茵在戲中穿上女童軍制服玩制服誘惑，不少雄性動物都為之血脈沸騰，但這卻是她「性感CV」的小污點：「着制服一啲都唔性感，不過各人有唔同喜好！」朱茵說性感，自有一種權威，在她的字典裏對「Sexy」另有一番解讀：「我覺得剝衫一啲都唔性感，一定要着衫，要惹人遐想，如果乜都唔着即係睇晒啦，再冇神秘感，又何來有遐想？所以剝光豬只係暴露，絕非性感！」
性感的女人，就像繫上絲帶的精緻禮物盒，拉開絲帶，禮物盒內還有另一層，叫人窺探不到箇中底蘊，卻又帶來無限驚喜。朱茵就是這類人，但在她眼中，鍾楚紅才是禮物中的香奈兒，叫人蠢蠢欲動：「紅姑真係Sweet到不得了，笑容甜得令人一劍封喉，隨着歲月流逝，佢散發出嘅魅力從未有褪色，真係犀利；我都非常鍾意狄娜姐姐，佢嘅性感係來自思想、智慧、幽默、談吐，為世人帶來劃時代嘅性感美！」
Paul台上Click出愛火
打從10歲時看一齣影畫戲，首見金像影后謝茜嘉蘭芝的美艷，朱茵開始明白女性有種無形魅力，因為當時年紀小，不知這就是性感，但這是好好的通識教育，知道女人的性感美是現實社會的必需品。朱茵知道男人都可以係性感動物，拿起結他，十指在弦線疾走的Paul，就是全球最性感的男人：「佢喺台上係全世界最性感嘅人，至少佢Click到我嘅火花，我唔知有幾多人Click到，但已經深深吸引到我！」
朱茵對Sexy另有一番解讀，坦言要透過服飾惹起遐想。
朱茵與Paul拍拖多年，是圈中的模範情侶。(資料圖片)
朱茵坦言性感不需要暴露，只是一種感覺。(資料圖片)