周秀娜性在赤裸心

每個年代都有性感女神，她們一顰一笑，埋藏宅男被單內萬千心事，這是穿越時空的集體回憶。從狄娜到葉玉卿，再到朱茵，及至今天的周秀娜（Chrissie），血與肉散發出的騷味，巴打無不起立致敬。其實性感跟性慾只有一字之差，朱茵和周秀娜作為性感源頭，又怎樣去看待「性感」這個不朽的形容詞？

性感女神輩出，邱淑貞、徐若瑄的女神形象仍屹立不倒，但要數至In的性感Icon，非Chrissie莫屬。去年她打正旗號賣弄「事業線」，推出被轟意識不良的滴牙膏暴乳寫真及人形攬枕，在謾罵聲中，她的人氣不跌反升，性感更不再局限於寫真，躍進大銀幕。

兩年間，Chrissie憑性感創造神話，但她對性感卻零概念：「我男仔頭從來唔覺得性感，性感係其他人眼中嘅我，今年拍咗《殭屍新戰士》等四套電影，每個導演眼中嘅我都有唔同性感，我只係代入角色做到佢哋眼中嘅性感。」點算Chrissie的產品，全是走超激路線，實在難以想像她不懂性感：「做模特兒影比堅尼相，大家先將性感放喺我身上，我開始有呢個概念，自己唔抗拒，配合化妝同衫，唔係暴露！」

事業線變溫度計

「事業線」是形容胸部大小的新名詞，它的深長奠定女神地位，騷慣32D「事業線」的Chrissie反而對這個詞語有一番見解：「身材好又唔等於性感，大家注意『事業線』，但我唔覺咁係性感，深長唔代表一切，凍啲咪短啲，熱啲就長啲，只係個溫度計！」在她心目中，安祖蓮娜祖莉、舒淇及張栢芝是性感女神的典範，當然少不了被公認的朱茵，連鮮有騷身材的徐熙媛（大S）亦榜上有名，她說：「大S係氣質上性感，性感有唔同階段，年紀大咗會多份女人味，結咗婚又唔同單身女人嘅層次。」說到底，Chrissie有信心性感形象不被歲月磨蝕，談到轉型問題時，她說：「我嘅性感係強悍硬淨，可能做多幾年先有楚楚可憐嘅感覺。唔會特登收埋，唔會三點盡露，總之30歲仲畀人話性感就好開心！」

喜歡Avis夠細心

Chrissie強調少布不等於性感，真正的性感是打從心底透出來，這亦不是女性的專利，男士亦可以好性感。髮型師男友Avis腹部那排「朱古力」，並非吸引Chrissie的唯一之處，她所需的性感是貼心：「佢嘅優點同性感係在於細心，唔講都知我想點，大家信任同溝通到，而佢體形上嘅性感係日子有功，打籃球練番嚟。」

在新片中，Chrissie挑逗林峯，看得宅男血脈沸騰，但她笑言與男友是「有姿勢，冇實際」，但最性感的一面終歸是閨房秘密，可恨只有Avis才可專享：「最性感係喺屋企，大家係睇唔到。」