邊個喺IFC見到「大鱷」索羅斯呢？（資料圖片）
「阿邊個舊同學個細佬個老婆個朋友話喺汽水廠度做，話有人跌咗落汽水缸度溶咗」，呢啲叫你唔好飲汽水，炸雞變炸老鼠乜乜乜，你實聽過，言之鑿鑿到呢，但從來冇見過有阿邊個企出嚟證實。
唔知係咪近日內地股市同香港股市波動大，呢排就輪到傳「大鱷」索羅斯現香港，話有人喺IFC個男廁撞到佢，轉個頭又有消息話內地請咗班九八年亞洲金融風暴嘅「打大鱷高手」去救市。不過，尋日有內媒引述索羅斯發言人澄清，話索羅斯超過一年無嚟過香港，依家喺美國長島屋企，仲話佢已經無參與基金嘅日常運作。咪住先，呢個發言人又係唔係堅嘅呢？
第一手消息請下載on.cc東網
