盧覺強指一旦鋰電池產品發熱發脹即應停止使用，減低風險。
現時低頭族已不分男女老幼，幾乎處處可見蹤影，惟隨着鋰電池產品日漸普及，安全性亦備受關注。事實上，今年一月便曾有「尿袋」在機場快綫列車上疑因短路而爆炸冒煙，需出動消防員撲救及疏散所有乘客，令列車服務受阻。
「高熱會令到電線外層嘅絕緣體溶解，兩條電線交壘就會短路，進一步推高溫度，令裏面嘅物質形成氣體，谷到盡就會爆。」香港理工大學機械工程學系工程師盧覺強指出，鋰電池脹起乃爆炸先兆，應立刻暫停使用，亦建議購買品質監管較佳的產品，「個電池如果識『自我開路』就可以防止短路，或者有塊薄膜，一積聚氣體就穿，但咁就會增加成本，薄膜係專利技術，街邊山寨貨未必有咁多保障。」
第一手消息請下載on.cc東網
