少膽虫未入公司，就見門口畀成班人圍住，好奇一問︰「做咩事咁多人？」領頭者語帶不屑，「我哋係嚟『遊覽』嘅！」遊覽壹全霉？唔係啩！呢度出名嘅最多係個飯堂，一個專畀西人食西餐嘅地方，咁都好遊覽？
領頭者等得唔耐煩，「聽聞呢度有虫，喺邊？」實在太感動喇！講起壹全霉，個個都淨係識淫賤黎，依家少膽虫終於成名，成為眾人遊覽嘅對象，「大家好，本虫……」「係佢喇！兄弟做嘢！」一行人蜂擁上前「舒展筋骨」，「日日阻住條街吖嗱！」雖知《爛果》阻街係事實，但都唔使咁啩，「各位大佬，雖然係有少少阻碇，但如果無我……」
「佢又講『水源論』喇！」領頭者愈嚟愈起勁。《爛果》冇少膽虫就冇鹽花，但就算日日灑，斷估睇完唔會真係口渴啩，關水乜事呢？「究竟，邊個叫你哋嚟？」少膽虫問。領頭者磨拳擦掌，準備再接再厲，「傳聞早前呢度有自稱『虫中之王』，我哋咪嚟驅虫囉！」
原來又係「王虫」惹的禍……
第一手消息請下載on.cc東網少膽虫
