大埔靖遠街有花店將大量年花置於行人路擺賣。
「間舖頭平時都已經擺好多植物出嚟，疊到人咁高，點知近新年仲放多成百盆年花出嚟，簡直當正條街係佢咁！」陳女士指大埔靖遠街有花店經常將盆栽置於店外，臨近新年情況更失控，近百盆年花置於行人路令市民猶如置身花墟，而店旁的小巷亦不能幸免，「佢淨係曬太陽都算啦，有時仲要淋花，搞到成地濕晒，啲衞生都差埋。」
多次檢控無改善
食環署發言人證實已檢控有關店舖負責人，並已警告有關負責人於農曆新年期間切勿非法擴展營業範圍，否則會再被檢控。發言人又指，過去一年共就上址店舖提出六宗檢控。
陳女士不滿食環署未有積極執法，變相縱容店舖非法擴展營業範圍，要求當局正視問題，「唔止新年，平日都要多啲執法，還番條路畀市民行。」
逢星期一至五見刊
熱線 3600 9988
電郵 socserv@on.cc
傳真 3600 9900
WhatsApp/SMS 6500 6500
來函請寄：香港大埔工業邨大昌街２３號東方報業中心東方報業集團投訴組收
個人資料絕對保密
匿名投訴恕不處理
第一手消息請下載on.cc東網
