運房局局長炳炳見畀人鬧得甘，於是就趁大除夕晚上「頭炷香」，祈求大仙保佑。上香一刻，聽到身邊市民嘅祈願。
市民︰希望樓市唔好再升，人人安居。
炳炳︰大仙咁忙，你應該搵咗我先。
市民︰你可以幫到我咩？
炳炳︰咁我都忙，你搵我都要排隊。
市民︰咪係囉，搵你不如求大仙，仲實際。
炳炳︰……其實我都希望大仙可以幫我解決樓市癲價問題。
市民︰政策問題求神解決？睇嚟我許錯願。
炳炳︰啱嘅，與其想樓市唔好再升，不如祈求中六合彩仲好，有錢買乜都得。
市民︰梗係唔係喇！應該求大仙踢走你呢啲吹水官，換個做實事嘅，我哋市民條氣咪會順番啲囉！
炳炳︰@#$%%^^&&
第一手消息請下載on.cc東網李衞
