一向好少公開論政嘅機管局主席羅康瑞，尋日出席一個論壇時膽粗粗講政治，結果台上演講嘉賓對其言論大潑冷水，台下觀眾就報以噓聲，認真冇面。
科技大學邀請咗選舉制度專家John M Carey演講，並同多名嘉賓討論香港民主發展路向。做主持人嘅羅康瑞喺答問環節期間，失驚無神拎咗《基本法》出嚟，話根據《基本法》第四十五條，特首係由一個有廣泛代表性嘅提名委員會提名後普選產生。不過，專家就質疑，提委會係咪有廣泛代表性，亦唔太認同功能組別嘅觀念，真係成盆冷水照頭淋落羅康瑞度。
後來有人提到佔領行動，羅康瑞就接口話，佔領期間佢喺辦公室望落去，成日都見到物資源源不絕咁運送過嚟，又表示自己唔認同公民抗命，台下觀眾隨即報以噓聲抗議，搞到佢都有啲尷尬。
第一手消息請下載on.cc東網
