【本報訊】挨年近晚，食物環境衞生署火葬服務愈緊張，不少市民希望趕及過年前辦妥先人白事。食環署火葬場預訂系統昨早「壞腦」近五小時，令打算上網預訂本月十六日及十七日、即年廿八及年廿九火葬爐時段的市民及殯儀業界大失預算。有殯儀業人士憂慮，今早可預訂年三十火葬爐時段，但當日沒有「加爐」，全日僅得約八十個時段，預訂系統今早隨時再被「打爆」。
「唔想白事砸過年」
殯儀業商會永遠會長吳耀棠透露，食環署昨早九時十五分開始，供市民上網預訂十六日及十七日共二百多個火葬爐時段，但懷疑系統一運作即「down機」，無論上網還是到灣仔及長沙灣火葬場辦事處也無法成功預訂，到下午約二時恢復運作後，該兩天所有火葬爐時段旋即訂滿：「以前最多窒吓窒吓，成朝都癱瘓好少見，好多人都訂晒殯儀館，如果無爐期都幾煩。」
食環署證實，火葬場預訂服務昨早因電腦問題暫停，到下午恢復正常，但未有透露電腦出問題原因。另一名殯儀業人士大呻，至少兩名客人預訂了年廿八及年廿九的殯儀館禮堂，但因為食環署系統昨故障而訂不到火葬爐時段，先人或需另覓日子出殯。
而原定日子的禮堂費用，殯儀館通常不會退款：「係人都唔想白事砸過年，個系統（今日）隨時又因為多人預訂而頂唔住。」
第一手消息請下載on.cc東網
