積福街馬路經常被放置雜物，警方承諾日後將適時執法，以改善問題。
「呢頭好多食肆、舖頭都驚部貨車嚟到冇位落貨，個個都霸定條路先，搞到明明有位都泊唔到！」職業司機張先生經常駛經大圍積福街，發現上址不時有商戶在馬路上擺放雜物預留泊位，令駕駛人士飽受不便，「試過原本要喺嗰個位停低，因為畀人擺咗嘢搞到要兜返出去！」
警方發言人表示，轉介後已即時加強巡查，並勸喻附近一帶酒樓及代客泊車切勿以雜物霸佔馬路。發言人強調，一直關注相關問題，日後亦會派員到涉事路段執法。
張先生證實目前情況已見改善，但仍要求警方嚴加執法，以免打擊過後情況即打回原形。「好多謝《太陽報》代我發聲，之後再經過真係冇再霸得咁犀利，但係警方之後都要睇實啲，始終啲舖頭習慣咗違規，睇少眼就會死灰復燃。」
第一手消息請下載on.cc東網
