本虫今日懷住久久未有嘅輕鬆心情返壹全霉，點解？都係多得啞視點化，我先參透到逆境自強嘅真諦─《爛果》跌紙，其實有乜好怕喎！
本虫喺江湖打滾幾十年，早就唔信忠肝義膽，只信錢係萬能。你話打工仔冇糧出？我三日就反枱啦，仲話拖幾十日？哈，偏偏啞視就拖出壯舉，啲員工咪照舊返工，係個樣餓啲、塊面黑啲咁啫！個台呢？咪照舊日播夜播，係啲節目舊啲咁啫！所以話，有啲嘢你唔去到盡，又點知道底線喺邊呢？
《爛果》銷量有幾慘，唔使講大家都心照啦，曾幾何時我都擔心，呢個懶蟲淫蟲賤蟲共冶一爐嘅壹全霉，會唔會好快捱唔住？勝在有啞視，我先知道唔出糧都會有人返工。
或者有朝一日，當公司冇錢印《爛果》，拎貨倉啲舊報紙出街都有人買呢！
第一手消息請下載on.cc東網少膽虫
