東華新年派對
留住美好
三子女由美國返港度假，廠商會前會長施榮懷同太太把握時刻，一家來個大合照。
告別動盪的2014，迎來2015新開始。東華三院主席施榮恆率先搞派對，與董事局成員開香檳迎新年。派對當日，亦係施榮恆結婚二十一周年紀念日，眾總理及好友送上金光閃閃嘅金碟，寓意施氏夫婦情比金堅。城中四大商會之一嘅中華廠商聯合會（廠商會）元旦起換屆，早前一眾會董喺金鐘一間五星級酒店舉行上屆最後一次會董晚宴，送舊迎新，眾人把酒暢談，氣氛熱鬧。
重量十足
捧住好友送贈、重量十足嘅金碟影相，施榮恆與太太李婉儀都有點手軟感覺。
人人好運
東華三院總理曾慶業（左起）、楊嘉成與馬清揚，齊祝願新一年人人行好運。
睇股心得
廠商會副會長吳永嘉繼續睇好內地A股，預備加碼入貨，旁為太太盧金治。
熱切期待
愛車嘅東華三院總理黃業光又有「新歡」，佢花咗四百幾萬購入新款林寶堅尼跑車，太太吳曉婷期待坐新車遊車河。
廠商會會董晚宴
升呢
廠商會換屆後，戴澤良（右）及史立德（中）升任副會長，楊華勇亦由會董升呢常務會董，值得開心慶祝。
祝福
廠商會副會長楊志雄夫婦（左二及中）早前慶祝結婚四十周年，廠商會婦委會主席陳陳燕兒（右）、副主席羅台秦（左）及靚太成員雷蔡菊芬送上祝福。
打拚
莊士中國副主席莊家彬（左）忙於為事業打拚，但十分讚賞身旁嘅仁愛堂副主席史顏景蓮瞓身搞慈善。
第一手消息請下載on.cc東網
