二○一七年特首點選都未有定案，政圈已開始為下一任特首玩「估領袖」遊戲，商務及經濟發展局前局長馬時亨（肥亨）被視為其中一個想選特首嘅有心人，一七年將屆六十五嘅肥亨話，自己係「三無人士」，即無意、無計劃、無打算，當問及「三無人士」會有人補貼或有人幫手，肥亨則話到依家都仲未見到喎。
肥亨其後點評持續近兩個半月嘅佔領行動，認為埋單結帳政府係「小勝」，泛民議員就係「大輸家」。
肥亨形容泛民喺整場運動中，既唔係走得最前，又起唔到作用，「有少少進退失據」，仲聲言無論如何都會否決政改，佢覺得咁樣未必係最明智嘅一步，若泛民唔跟民意「袋住先」，一年多後嘅立法會選舉，話唔定會輸得好厲害，到時連議會否決權都輸埋。
第一手消息請下載on.cc東網
