政壇：政商定格：青聯賢慧社清遠教英文

    • 十名青聯賢慧社委員將去清遠連山教英文，舉行一連五日、名為「賢德牽學子，慧心澤連山」嘅義教團。召集人Anthea羅詠詩因要去澳洲，唔可以隨行，但佢上機前都特別去副召集人周沁嘅office傾吓細節。

    呢個活動只有四個月時間籌備，既要搵贊助，又要招募義工兼做工作坊，時間都好趕急，好在個個賢慧社嘅女將都好打得，三兩吓手勢就搞掂晒，加上係幫助山區嘅學生，所以搵贊助冇難度。

    依家國民教育成為好多家長關心嘅課題，有兩個分別十二歲同六歲囝囝嘅Anthea都話，因為佢都有一顆愛國心，覺得身為中國人唔可以唔認識自己嘅國家，所以佢贊成呢科可以提供資料畀小朋友，只要真實反映依家嘅中國就可以，亦可以訓練小朋友明辨是非嘅能力，唔覺得會洗腦。

    第一手消息請下載on.cc東方互動iPhone/iPad/Android/Windows Phone Apps

    搵樓18即睇最新樓價走勢、最全面地產新聞及筍盤情報

    羅詠詩（左）同周沁（右）為去清遠嘅行程密密開會。