政壇：校長腳頭好喇沙頻贏波
港九區D1足球賽尋日進行決賽，喇沙書院對張振興伉儷書院，作為體育發燒友嘅校長賀敬修士就到場親身打氣，仲落手落腳幫學生拎獎牌，真係「廿四孝校長」。原來賀敬修士係喇沙嘅吉祥物，皆因佢做校長兩年，喇沙喺學界大賽捷報頻傳，校隊成員個個都話佢「好腳頭」喎！
來自新西蘭嘅賀敬修士年輕時好鍾意運動，佢笑稱自己打欖球唔夠大隻，打籃球又太矮，後來加入長跑隊。佢話喇沙書院就好似一個大家庭。梗係啦，喇沙書院出過好多社會名人領袖，每次學校出席重要賽事，成班校友都會出嚟撐場，幫學弟後輩打氣，佢哋好團結(o架)！
賀敬修士（後）尋日親到場為喇沙打氣，睇得相當肉緊。