政情：李雲迪中國味襯晒Zegna

「鋼琴王子」李雲迪最近成為意大利品牌Ermenegildo Zegna品牌大使，今年係品牌慶祝喺中國成立二十年嘅「中國年」，李雲迪就決定喺今年將更多中國元素融入音樂兼舉行中國古典音樂巡迴演奏會，兩者理念不謀而合。

李雲迪早前獲品牌家族第四代成員暨集團形象總監Anna Zegna邀請，以中國唯一嘉賓身份出席米蘭秋冬時裝展，仲率先觀賞品牌嘅「中國系列」限量版包括腕錶、袖口鈕扣等。

李雲迪亦參觀咗品牌歷史博物館Casa Zegna同Lanificio Zegna羊毛面料工廠，李雲迪為繼黎明之後，第二位中國人獲邀參觀博物館。