政情：邱李茂琪惹遊大阪疑雲
名媛邱李茂琪同老公、仔女喺啱啱過去嘅復活節假期外遊，鍾意玩facebook嘅佢喺出發前仲不忘喺fb同朋友分享一番，但佢上載喺香港機場影嘅相當中，卻顯示佢嘅目的地係大阪，結果佢收到唔少朋友致電詢問。尋日佢解釋只係美麗的誤會，又話：「其實我哋係去台灣玩幾日，可能我哋坐嗰部機中途站停台灣再轉飛日本大阪啩，我哋發現都覺得好搞笑。」
自從日本發生地震海嘯同輻射洩漏事件，令佢暫對日本卻步，為穩陣起見，三月時佢喺美國網站訂購咗多部測試輻射儀器，五月中就會到手。
邱李茂琪（右）復活節假同老公仔女去台灣玩幾日。
邱李茂琪放上facebook嘅相顯示目的地係大阪。