政情：劉璇籲自愛百毒不侵

本港藝人喺內地被指涉毒品後，出身體育界、形象健康嘅劉璇都被問到呢件事，佢話都係睇報紙後先知道件事，奉勸大家遠離毒品，保護自己。

璇美人日前出席一個導盲犬活動做評判，講到早前佢有份演出嘅電視劇播出大結局，佢透露當晚身在北京，冇喺香港睇，事後都上網睇收視，感覺開心。問佢男朋友當晚有冇捧場？璇美人即刻尷尬避談，話對感情事怕醜，都係講工作好啲！