政情：《蝸居》女星移港做少奶
年前內地諷刺上樓難嘅電視劇《蝸居》熱爆中港，劇中飾演海藻嘅靚女李念更成為間接為樓賣身嘅代名詞，不過，真實中嘅李念非但冇做內地房奴，舊年底更移居本港做少奶奶，佢話想搵番份工做，未必會做番影視老本行。
李念日前孭住潮牌Vivienne Westwood小手袋，配襯一身短裙同花花涼鞋喺中環置地廣場行街，佢老公係生意人，忙於工作，所以當日只見佢獨自掃貨，佢喺美國時尚品牌Juicy Couture揀頸鏈同埋便服，埋單時幾乎唔使睇幾錢，使錢嘅豪爽同劇中手緊嘅海藻判若兩人。雖然做少奶奶嘅佢想搵份工，但又想快啲同老公製造一個愛情結晶。
清爽嘅吊帶連身裙甚得李念歡心。
李念抽着一大袋戰利品離開。