追星族：TCL多媒體不宜高追

事實上，創維今年一、二月的銷售表現均勝預期，是近年鮮見。如無意外，一四/一五年度（三月結）業績可勝預期。近兩個月股價累積一定升幅，難怪去年末季宣布擬發可換股債券（CB）的計劃終止，皆因當日建議換股價僅為5元，冇道理CB發行價仲低於現股價。之不過，創維上市以來鮮有集資活動，這次發CB計劃雖未有落實，但亦有啟示，反正股價已累升一定幅度，近日表現相對同類股有啲「笠笠地」，會唔會醞釀來一次批盪先再炒上，不妨等着瞧。

銷售數字未見突破

至於TCL多媒體，今年的銷售目標為1,750萬台，管理層強調已檢討去年銷售策略不足的地方，並就管理模式進行調查及改善，故相信今年的銷售表現會較佳。只是，見到一月份的銷售數字尚未有太大突破，股價升至現水平，冇貨在手唔建議高追，可待回試5元承接，再睇多一、兩個月的銷售數字再作考慮。