期指攻略：好淡關鍵睇24293

上星期已提出，港股近期升浪，又再高度集中於個別指數權重股份，整體大市股份，一直是跌多升少的狀態，加上未平倉合約數字屬於偏低，可見大市傾向審慎，風險胃納不足的根本情況，也令到技術破位後，淡友止蝕盤推升大市的威力大減。

上周強調，看官要睇形勢做人，情願微利，也不要輸住去，上周五期指以24,265點開出，隨即跌穿24,200點，之後第一波反彈受制於24,262點，未能重返開市價，手上期指好倉先微利平掉，暫僅保留12,000點的國期好倉。

去年十一至十二月，恒指四次去到24,113至24,313點之間受阻，上周四高位見24,369點後又再回軟，事實由滬港通個市表錯情，炒到25,362點，打一個修正球落番去22,565點，0.618反彈阻力正好在24,293點，一日指數唔確認企穩這個水平樓上，都不能太早判定脫離上落市的格局。