魚缸Blogger：旺旺勝在穩打穩紮
內地七月份進出口數據成地眼鏡碎，魚缸上周五亦順勢回吐133點，今個禮拜仲有無運行，好睇阿爺會唔會漏口風暗示放水。
上月內地CPI破二，低見1.8%嘅三十個月新低，通脹放緩令成本壓力減低，傳統上對食品股有利，今日就睇吓業務同股價都穩打穩紮嘅中國旺旺（00151）。主營休閒食品、飲料、米果嘅旺旺，將會喺二十九號公布上半年業績，當中瑞信就估集團盈利會有24%增長，而隨着踏入下半年行業旺季，其前景仍值得睇好，加上股份近三個多月都喺9至10蚊邊上落，且現價三條平均線匯聚喺9.4元附近，似有醞釀突破迹象，不妨喺該水平部署，阻力先睇10蚊。
