C AllStar表示收入主要用來為Studio添加器材。
組合C AllStar昨日以嘉賓身份出席《薈影 東涌Time Lapse延時攝影短片及照片拍攝比賽》頒獎禮，分享到郊區拍片心得，而四子身處新樓盤的示範單位場地，仍未置業的四子都想做業主。
問到會否合資做業主？成員On仔說：「冇諗過，其實都可以諗吓。」Jase即笑說：「依家入市信唔信得過？」On仔笑說：「你指我哋信唔過。」而在旁的釗峰則表示不用擔心，因為各人的收入情況他最了解，不過，King卻笑說：「你知我幾錢收入，但唔知我財政狀況。」四子稱收入都投資在音樂上，會將賺回來的錢為Studio添置器材。
另外，四子在新年期間各自去旅行休息，他們說：「唔一齊去喇！平時已經日見夜見，放假仲見咩。」原來他們曾經試過不約而同去了同一地方旅行，四日行程竟遇見三次，笑言「眼冤」！
