東網電視
更多新聞短片台灣女星張鈞甯與林嘉欣於巴黎時間3月3日齊齊現身巴黎時裝周，欣賞在當地舉行的I.T旗下品牌GROUND-ZERO X b+ab 2015秋冬時裝騷，以連身短裙上陣的嘉欣坦言對巴黎十分熟悉，早前曾在巴黎讀書半年的她，亦曾到巴黎睇騷，是次相隔六年重臨舊地，她特別開心：「好開心，我去咗好多藝術館睇展覽，因為都餓咗好耐，今次可以盡情睇！（以前喺巴黎讀書有冇咩難忘事？）讀書時有個法國男同學經常會同我講我愛你，講足半年，後來冇人同我講，有啲失落，嗰個同學見親人都講我愛你，法國人就係咁浪漫。」
林嘉欣（左）與張鈞甯睇騷期間有講有笑，十分老友！
人在巴黎但仍心繫香港兩個寶貝女的她，每天也和女兒以視像電話聯絡，更買了美術史兒童書給女兒。
張鈞甯則表示出席完《武媚娘傳奇》慶功後便直接飛到巴黎，一下機便看騷，時間緊迫，又笑言終於可以放假，預計會逗留一星期瘋狂Shopping。提到工作，她透露將接拍一部內地電影，更期望《武媚娘傳奇》可以開拍續集。完騷後，兩人與設計師Eri Chu和設計師Philip Chu合照，嘉欣大讚系列人人亦駕馭得起，High-end中帶點街頭風格，而鈞甯亦大讚服裝中帶有女人味。
