發哥又帶路 劉嘉玲下次坐MTR

劉嘉玲、港姐蔡思貝、名模Rosemary及楊洛婷等昨晚出席由香港貿易發展局舉辦的《第32屆香港國際珠寶展》的珠寶設計大獎活動，擔任評判的嘉玲被問到有否收藏價值連城的珠寶首飾，她謙虛地說：「盡量啦！我冇咁多錢。（咁最有紀念價值係咪婚戒？）仲有媽咪送嘅錶，有啲自己買嘅頸鏈同戒指都幾特別。」提到初五與周潤發一起行山，她興奮地表示要學習對方的平易近人：「同佢行山學到好多生活小常識，行之前佢會每人派舊番薯，一個鐘後又派隻香蕉，之後又提我哋飲啖水，佢見到每個人都打招呼，如果有需要又會同人影相，山上每間士多同食店嘅人佢都知道人哋姓乜，屋企有幾多個細路。我要向佢學習，街上面有人叫我影相，我都話等我戴番副眼鏡先！」她又透露發哥下次會帶她坐港鐵。