鎮宇舉家回新加坡過節。
早前為賀歲片《衝上雲霄》巡迴宣傳的吳鎮宇，雖然已與太太及囝囝Feynman返新加坡度歲，但也不忘留意作品票房走勢，獲悉成績不俗時興奮非常。談到新加坡的新年習俗，鎮宇不諱言「咩都冇」：「好多舖頭都唔做生意，咩都冇！不過我又唔介意，可以趁呢段時間思考人生，但個仔就最開心，因為佢慣咗新年同啲表哥玩，所以我哋每年都會返去。」而他則期待年初七：「一到嗰日就最開心，人日即係人人生日，每年都會同啲朋友吃喝玩樂，邊個得閒邊個嚟！」
